Quid est optabilius sapientia , quid praestantius, quid homini melius? Viri, qui hanc amant, philosophi appellantur. Philosophia sapientiae studium est. Sapientia autem est, ut a philosophis exponitur, scientia rerum divinarum et humanarum.
O vitae philosophia dux! Philosophia urbes condit, homines in societatem convocat, homines coniungit. Ea est inventrix legum, magistra morum et disciplinae.