2] Apud Helvetios longe nobilissimus fuit et ditissimus Orgetorix. Is M. Messala,

et P.] M. Pisone consulibus regni cupiditate inductus coniurationem nobilitatis fecit et civitati persuasit ut de finibus suis cum omnibus copiis exirent : perfacile esse , cum virtute omnibus praestarent, totius Galliae imperio potiri. Id hoc facilius iis persuasit, quod undique loci natura Helvetii continentur: una ex parte flumine Rheno latissimo atque altissimo, qui agrum Helvetium a Germanis dividit; altera ex parte monte Iura altissimo, qui est inter Sequanos et Helvetios; tertia lacu Lemanno et flumine Rhodano, qui provinciam nostram ab Helvetiis dividit. His rebus fiebat ut et minus late vagarentur et minus facile finitimis bellum inferre possent; qua ex parte homines bellandi cupidi magno dolore adficiebantur . Pro multitudine autem hominum et pro gloria belli atque fortitudinis angustos se fines habere arbitrabantur , qui in longitudinem milia passuum CCXL, in latitudinem CLXXX patebant.

Poznámka

Spojení angustós se fínés habere arbitrábantur si zaslouží naší pozornosti. Jedná se o vazbu akuzativu s infinitivem, která se užívá po slovesech vidět, slyšet, myslet, domnívat se atp. Její tvoření není složité, vysvětlíme si ho v některém z příštích článků. Přeložíte pak tuto vazbu jako (Helvétióvé) se domnívali, že mají úzké hranice.

Slovo passum - dvojkrok je stará římská délková míra užívaná hojně právě v armádě, uvádí se, že jde o 5 stop nebo-li 1,48 m.